Татарстан Фәннәр академиясе галимнәр өчен «Научный прорыв. Фәнни алга китеш» яңа премиясен гамәлгә куйды

2025 елның 20 гыйнвары, дүшәмбе

Татарстан Фәннәр академиясе галимнәр өчен «Научный прорыв. Фәнни алга китеш» яңа премиясен гамәлгә куйды, ул фәнни казанышларны популярлаштыруга, фәнни бергәлекне тикшеренүләрнең нәтиҗәлелеген арттыруга стимуллаштыруга һәм яшьләрне фәнни эшчәнлеккә җәлеп итүгә юнәлдерелгән. Премия шулай ук җәмгыятьтә фәнни хезмәтнең абруен ныгытуны максат итеп куя.

Премия лауреатлары ун номинациядә билгеләнәчәк:

•  «Фәндә цифрлаштыру» — цифрлы технологияләр өлкәсендәге казанышлар өчен;
• «Перспектива» — перспективалы фәнни эшләнмәләр өчен;
• «Галим-мәгърифәтче» — фәнне популярлаштыруга керткән өлеше өчен;
• «Сәләт» — фәнни эшкә тугрылыгы өчен;
• «Иң яхшы яшьләр стартабы»  — уңышлы инновацион проектлар өчен;
• «Иң яхшы галим»  — күренекле фәнни нәтиҗәләре өчен;
• «Иң яхшы фәнни остаз» — яшь галимнәргә ярдәм иткәне һәм үстергәне өчен;
• «Балаларга фән» — балалар өчен белем бирү инициативалары өчен;
• «Фәнни журналист» — массакүләм мәгълүмат чараларында фәнне яктырткан өчен;
• «Фәнгә тугрылык өчен» — фәнни эшчәнлекнең күпьеллык тугрылыгы өчен.

Җиңүчеләрне бүләкләү тантанасы 2025 елның февралендә Казанда Россия фәне көненә багышланган тантаналы чарада узачак.

«Научный прорыв. Фәнни алга китеш» премиясе турында нигезләмә (pdf)